Кіраўніцтва

Генеральны дырэктар
ЯФРЭМЕНКА УЛАДЗІМІР АНАТОЛЕВІЧ
тэл.: +375 (17) 311 48 88

Ажыццяўляе бягучае кіраўніцтва дзейнасцю Таварыства; каардынуе работу намеснікаў генеральнага дырэктара, галоўнага бухгалтара, памочнікаў генеральнага дырэктара, кіраўнікоў структурных і адасобленых падраздзяленняў па пытаннях ажыццяўлення Таварыствам дзейнасці, вызначанай яго статутам, у тым ліку ажыццяўляе кантроль за ходам выканання бізнес-планаў, даручэнняў і ўказанняў вышэйстаячых органаў кіравання Таварыства, дзеючага заканадаўства , якое рэгулюе страхавую дзейнасць; арганізоўвае работу па распрацоўцы бягучых і перспектыўных планаў па рэалізацыі статутных мэт і задач Таварыства, забяспечвае выкананне рашэнняў агульнага сходу акцыянераў, савета дырэктараў; у межах сваёй кампетэнцыі распараджаецца маёмасцю Таварыства; адкрывае ў банках разліковыя і іншыя рахункі; вырашае пытанні падбору, падрыхтоўкі і расстаноўкі кадраў, наймае і звальняе работнікаў Таварыства; вырашае іншыя пытанні, звязаныя з гаспадарчай дзейнасцю Таварыства і не аднесеныя да выключнай кампетэнцыі агульнага сходу акцыянераў, савета дырэктараў.

Намеснік генеральнага дырэктара
ГАЛАЛОБАЎ ВАЛЕРЫЙ ВАЛЕР’ЕВІЧ
тэл.: +375 (17) 311 48 56

Курыруе пытанні страхавання маёмасных інтарэсаў і адказнасці юрыдычных асоб, у тым ліку авіяцыйных рызык, страхавання маёмасных інтарэсаў грамадзян, медыцынскага страхавання, асабістага страхавання, уключаючы кіраўніцтва распрацоўкай правіл страхавання (унясенне змяненняў і дапаўненняў у правілы страхавання); распрацоўкі і ўкаранення перадавых тэхналогій продажаў; разліку і аналізу страхавых тарыфаў; ацэнкі страхавой рызыкі; узаемадзеяння з замежнымі арганізацыямі па пытаннях страхавання; састрахавання і перастрахавання; развіцця сеткі прадаючых падраздзяленняў; арганізацыі работы са страхавымі пасярэднікамі (юрыдычнымі і фізічнымі асобамі); правядзення адзінай тэхнічнай палітыкі ў забеспячэнні структурных і адасобленых падраздзяленняў Таварыства камп’ютарным абсталяваннем, праграмным забеспячэннем; ідэалагічнай работы ў Таварыстве.

Намеснік генеральнага дырэктара
БАРЭКА СЯРГЕЙ УЛАДЗІМІРАВІЧ
тэл.: +375 (17) 311 48 61

Курыруе пытанні распрацоўкі і рэалізацыі фінансавай стратэгіі, рэгулявання фінансавых адносін паміж Таварыствам і яго адасобленымі падраздзяленнямі, забеспячэння фінансавай устойлівасці (плацежаздольнасці), аналізу фінансава-гаспадарчай дзейнасці; арганізацыі работы па распрацоўцы і ўкараненні сістэмы эканамічнай справаздачнасці, кантролю за выкананнем эканамічных нарматываў, устаноўленых заканадаўствам; фарміравання страхавых рэзерваў і ажыццяўлення інвестыцый; фарміравання фондаў папераджальных мерапрыемстваў і іх выкарыстання; матэрыяльна-тэхнічнага забеспячэння Таварыства, набыцця, карыстання і распараджэння маёмасцю, якая належыць Таварыству, у межах прадстаўленых паўнамоцтваў; арганізацыі работы па правядзенні закупак за кошт уласных сродкаў Таварыства ў межах прадстаўленых паўнамоцтваў; арганізацыі маркетынгавых камунікацый, у тым ліку рэкламнага забеспячэння; каардынуе дзейнасць структурных і адасобленых падраздзяленняў у межах названых паўнамоцтваў.

Намеснік генеральнага дырэктара
БАБАРЫКА АНАТОЛІЙ АДАМАВІЧ
тэл.: +375 (17) 311 48 33

Курыруе пытанні ўрэгулявання страхавых выпадкаў па дагаворах страхавання, перастрахавання (састрахавання); арганізацыі прадастаўлення паслуг тэхнічнага, медыцынскага і фінансавага характару іншаму страхоўшчыку або страхавальніку (застрахаванай, пацярпелай, а таксама іншай асобе, якая прэтэндуе на атрыманне страхавой выплаты) у мэтах выканання заключаных гэтымі асобамі дагавораў страхавання, па аказанні паслуг іншай страхавой арганізацыі ва ўстанаўленні прычын, характару ўрону пры наступленні страхавога выпадку; узаемадзеяння з аварыйнымі камісарамі, сюрвеерамі, ацэншчыкамі, станцыямі тэхнічнага абслугоўвання аўтатранспартных сродкаў (СТА), медыцынскімі ўстановамі, у тым ліку падрыхтоўкі, заключэння дагавораў з імі і іх суправаджэння; арганізацыі работы па прадастаўленні паслуг асістансу і даведачнай інфармацыі; каардынуе дзейнасць структурных і адасобленых падраздзяленняў у межах паўнамоцтваў.

Галоўны бухгалтар
КРЫШТАФОВIЧ ВОЛЬГА ВIКЕНЦЬЕЎНА

Курыруе пытанні пастаноўкі і вядзення бухгалтарскага, падатковага ўліку ў Таварыстве і яго адасобленых падраздзяленнях, фарміравання ўліковай палітыкі Таварыства, складання і своечасовага прадстаўлення поўнай і дакладнай бухгалтарскай, падатковай і статыстычнай справаздачнасці, выплаты падаткаў і адлічэнняў у бюджэт і пазабюджэтныя фонды, паўнаты і своечасовасці выплаты заработнай платы; дае пісьмовыя кіруючыя ўказанні па пытаннях арганізацыі і ўдасканалення бухгалтарскага, падатковага ўліку; каардынуе дзейнасць структурных і адасобленых падраздзяленняў у межах сваіх паўнамоцтваў.