Сіняя карта
«Зрабіць страхоўку на аўто» – гэта важны пункт спісу спраў перад паездкай у Расію. Для яго выканання трэба аформіць дагавор міжнароднага страхавання (поліс «Сіняя карта»), які забяспечыць страхавую абарону на выпадак прычынення шкоды ў выніку ДТЗ, што адбылося на тэрыторыі Расійскай Федэрацыі.
Дагавор міжнароднага страхавання – гэта дагавор абавязковага страхавання грамадзянскай адказнасці ўладальнікаў транспартных сродкаў, які заключаецца ўладальнікамі транспартных сродкаў для паездкі ў Расію.
Такі дагавор патрэбен для абароны фінансавых інтарэсаў уладальніка транспартнага сродку на выпадак прычынення шкоды (жыцці і (або) здароўю, маёмасці) трэцім асобам на тэрыторыі Расійскай Федэрацыі.
У рамках сістэмы «Сіняя карта» дзейнічаюць правілы страхавання, аналагічныя правілам «Зялёнай карты», за некаторымі выключэннямі.
Асноўныя ўмовы міжнароднага страхавання:
- Дагавор заключаецца толькі ў дачыненні да транспартных сродкаў, зарэгістраваных у Рэспубліцы Беларусь.
- Тэрыторыя дзеяння: Расійская Федэрацыя.
- Тэрмін страхавання: ад 15 дзён да 1 года.
- Кошт страхавання залежыць ад тыпу транспартнага сродку (легкавы аўтамабіль, грузавы, аўтобус і інш.) і тэрміна страхавання.
- Аплата страхавога ўзносу ажыццяўляецца аднаразова.
Напрыклад, кошт страхавання для легкавога аўто складзе:
| Тэрмін страхавання | Кошт* |
| 15 дзен | 10 еўра |
| 1 месяц | 19 еўра |
| 6 месяцаў | 79 еўра |
| 1 год | 108 еўра |
*Памеры страхавых узносаў па абавязковым страхаванні грамадзянскай адказнасці ўладальнікаў транспартных сродкаў зацверджаны Указам Прэзідэнта Рэспублікі Беларусь ад 25.08.2006 № 531 і з’яўляюцца адзінымі для ўсіх страхавых кампаній Рэспублікі Беларусь.
Аформіць поліс «Сіняя карта» можна ў любым офісе страхавой кампаніі.
Звяртаем вашу ўвагу, што ліміт адказнасці ў Расійскай Федэрацыі істотна ніжэйшы, чым у Рэспубліцы Беларусь. Таму рэкамендуем дадаткова заключыць дагавор добраахвотнага страхавання грамадзянскай адказнасці аўтаўладальнікаў, які павялічыць страхавую абарону на выпадак прычынення шкоды ў выніку ДТЗ.
Іншую інфармацыю можна даведацца па кароткім нумары 128.
Ці можна аформіць «Зялёную карту»?
З 30 чэрвеня 2023 г. прыпынена на нявызначаны тэрмін заключэнне дагавораў страхавання «Зялёная карта». Падрабязней можна азнаёміцца тут.
