Год добраўпарадкавання

У мэтах аб’яднання намаганняў дзяржавы, арганізацый усіх форм уласнасці і грамадзян для павышэння якасці жыцця, далейшага развіцця інфраструктуры, навядзення парадку на зямлі, паляпшэння экалогіі, фарміравання эстэтыкі населеных пунктаў на ўсёй тэрыторыі краіны 2025 год аб’яўлены Годам добраўпарадкавання.

Указ Прэзідэнта Рэспублікі Беларусь ад 03.01.2025 г. № 1 «Аб аб’яўленні 2025 года Годам добраўпарадкавання».

Гэты год дае старт пяцігодцы якасці і прадугледжвае комплекс мерапрыемстваў, накіраваных на стварэнне і падтрыманне зручнага, бяспечнага, сучаснага і эстэтычна арганізаванага асяроддзя жыццядзейнасці людзей.

Ураду даручана ў месячны тэрмін зацвердзіць рэспубліканскі план мерапрыемстваў Года добраўпарадкавання.

Год добраўпарадкавання ставіць мэтай аб’яднаць намаганні дзяржавы і грамадства па далейшым паляпшэнні якасці жыцця ў Рэспубліцы Беларусь.

Крыніца:president.gov.by

У Рэспубліцы Беларусь заснаваны і Дзяржаўны знак якасці. Ён уяўляе сабой пяцікутнік чырвонага колеру са злёгку выпуклымі бакамі, у цэнтры якога размешчана стылізаваная выява перавернутай літары «К» і надпіс «Беларусь» чырвонага колеру. Пяць кутоў Дзяржаўнага знака сімвалізуюць якасць беларускай прадукцыі, якая дасягаецца спалучэннем пяці паказчыкаў вытворчасці: бяспекі, экалагічнасці, інавацыйнасці, тэхналагічнасці і эстэтычнасці. Ніжні стралавідны элемент азначае ўстойлівасць сістэмы якасці, верхні, як сімвалічныя шалі, – аптымальныя суадносіны грамадскай думкі аб прадукцыі і дасягненняў якасці вытворчасці.

Указ Прэзідэнта Рэспублікі Беларусь ад 18.01.2024 г. № 21 «Аб Дзяржаўным знаку якасці».