У Мінску ўрачыста адкрыты нацыянальны футбольны стадыён сусветнага ўзроўню.
7 чэрвеня 2025 года ў сталіцы Беларусі адбылася знакавая падзея – адкрыццё нацыянальнага футбольнага стадыёна, пабудаванага пры падтрымцы кітайскага народа. Новы спартыўны аб’ект стаў сапраўдным падарункам для ўсіх аматараў футбола і значна ўмацаваў спартыўную інфраструктуру горада.
Стадыён, разлічаны на 33 тысячы гледачоў, цалкам адпавядае патрабаванням 4-й катэгорыі УЕФА, што дазваляе праводзіць тут матчы чэмпіянатаў свету і Еўропы. Гэта адзін з самых сучасных футбольных стадыёнаў у Еўропе, які спалучае ў сабе нацыянальныя традыцыі і перадавыя інжынерныя рашэнні.
Урачыстае адкрыццё наведаў Прэзідэнт Рэспублікі Беларусь Аляксандр Лукашэнка, які падкрэсліў важнасць гэтага аб’екта для развіцця футбола ў краіне. Кіраўнік дзяржавы адзначыў, што стадыён стане не толькі месцам правядзення буйных спартыўных падзей, але і сімвалам моцнага беларуска-кітайскага сяброўства.
Работнікі закрытага акцыянернага страхавога таварыства ЗАСТ “Прамтрансінвест” разам з членамі сваіх сем’яў сталі сведкамі гістарычнага моманту і змаглі асабіста ацаніць маштаб новага спартыўнага аб’екта.
Новы стадыён ужо стаў адным з вядомых сімвалаў Мінска і несумненна ўвойдзе ў гісторыю як прыклад паспяховага міжнароднага супрацоўніцтва ў сферы развіцця спартыўнай інфраструктуры.
