Сёння, 26 чэрвеня ў галаўной арганізацыі Прамтрансінвест адбылася дыялогавая пляцоўка, прысвечаная Міжнароднаму дню барацьбы з наркаманіяй і наркабізнесам.
Гутарку правяла оперупаўнаважаны аддзяленні па наркакантролі і супрацьдзеянні гандлю людзьмі Завадскога РУУС Буракова Дар’я Аляксандраўна.
Дар’я Аляксандраўна падрабязна расказала аб сітуацыі з наркаманіяй і наркагандлем у Заводскім раёне. Аб спосабах уцягвання ў наркабізнес. Адказала на пытанні ўдзельнікаў.
Публікуем адказы на самыя актуальныя для многіх пытанні.
Як зразумець, што дзіця прымае ці распаўсюджвае наркотыкі?
- У дзіцяці рэзкія перапады настрою, не звязаныя са зменамі ў асяроддзі.
- Ўтоенасць. Дзіця хавае рэчы, закрывае пакой, спрабуе ўсё замкнуць на замак.
- Пастаянна просіць грошы.
- У тэлефоне фатаграфіі з участкамі мясцовасці: лавачкі, дрэвы, дзіцячыя пляцоўкі, платы, пад’езды, электра-шчыткі і г.д.
- Наяўнасць у тэлефоне прыкладанняў, якія дазваляюць накладваць каардынаты на фота.
- Наяўнасць у тэлефоне VPN сэрвісаў і браўзэраў TOR, IP2, Freenet.
- У браўзэры, прыкладаннях карт ідзе пошук па лічбавых каардынатах.
- З’яўляецца пэўны слэнг, жаргон (ніжэй падрыхтавалі невялікі слоўнічак).
- З’яўленне грошай, новых дарагіх рэчаў, адзення, паходжанне якіх дзіця не можа растлумачыць.
- З’яўленне банкаўскай карткі, можа быць аформлена на іншага чалавека. Яе выкарыстоўваюць, каб выводзіць грошы.
- Наяўнасць ЗІП-пакетаў, ізаленты, дробных магнітаў.
- Частыя адлучкі з дому, прагулкі ў вячэрні час або раннія выхады ў навучальную ўстанову.
- На адзенні або абутку сталі з’яўляцца сляды ад аэразольных балончыкаў.
- У большасці выпадкаў у “закладачнікаў” з’яўляецца манія пераследу.
Кароткі жаргонны слоўнічак:
Сабака, солі, уфа, 3Д, талеркі – наркотык Альфа-ПВП
Мэф, джэф, мулька – Мефедрон
Мёд – метадон
Коцікі – наркотыкі
Джараш, Індусік, спайс, смок, май – курыльныя міксы
Спорцікі – моцныя хлопцы, якіх наймаюць наркамагазіны для “размовы” з тымі, хто вырашыў “з’ехаць” або падмануць працадаўцаў.
Як жа можна дапамагчы ў барацьбе з распаўсюджваннем наркотыкаў? Патэлефанаваць у міліцыю па нумары 102 у выпадках, калі:
- Вам ці вашым дзецям прапануюць наркотыкі;
- Вы бачыце чалавека, які спрабуе нешта схаваць у лёгкадаступным, але малапраходным грамадскім месцы, пасля чаго абавязкова яго фатаграфуе;
- Вы знайшлі схованку з забароненымі рэчывамі («закладку»);
- Убачылі падазроных асоб, якія шукаюць «закладку». Могуць хадзіць на адным месцы і ўвесь час спраўджвацца з экранам тэлефона.
Спадзяемся, што гэтая інфармацыя для Вас будзе мець толькі інфармацыйны характар.
Ад імя ўсіх удзельнікаў дыялогавай пляцоўкі выказваем падзяку Дар’і Аляксандраўне за праведзенае мерапрыемства і карысную інфармацыю.
Дата публікацыі: 26.06.2024
