Маладзёжны форум работнікаў арганізацый Кіраўніцтва справамі Прэзідэнта Рэспублікі Беларусь прайшоў 24 – 25 кастрычніка ў Нацыянальным парку «Прыпяцкі». У форуме прынялі ўдзел больш за 200 маладых работнікаў арганізацый Кіраўніцтва справамі Прэзідэнта з розных рэгіёнаў краіны і сфер дзейнасці. Да дадзенага мерапрыемства далучыліся і прадстаўнікі ЗАСТ «Прамтрансінвест».
У першы дзень для ўдзельнікаў форуму была праведзена вялікая азнаямленчая экскурсія па нацыянальным парку і арганізаваны святочны канцэрт у Петрыкаўскім раённым Доме культуры, дзе маладых работнікаў прывітаў Кіраўнік спраў Прэзідэнта Беларусі Юрый Назараў, прадстаўнікі мясцовых органаў улады і грамадскіх аб’яднанняў, запрошаныя спікеры і прафесійныя артысты.
У другі дзень форуму ўдзельнікі мерапрыемства разам з кіраўніцтвам Кіраўніцтва справамі Прэзідэнта ў рамках рэспубліканскай акцыі «Дай лесу новае жыццё!» пасадзілі каля 5,5 га маладога лесу на бураломных участках у нацыянальным парку «Прыпяцкі».
Дата публікацыі: 29.10.2024
