11 красавіка – Міжнародны дзень вызвалення вязняў фашысцкіх канцлагераў. Гэты дзень быў абраны не выпадкова. 11 красавіка 1945 года на тэрыторыі самага буйнога канцэнтрацыйнага лагера Бухенвальда ўспыхнула ўзброенае паўстанне вязняў, у выніку якога паўстанцы ўзялі кантроль над лагерам смерці і ўтрымалі яго да прыходу саюзных войскаў. Гэта выратавала жыцці дзясяткам тысяч людзей многіх нацыянальнасцей.
На тэрыторыі Беларусі налічвалася больш за 260 канцэнтрацыйных лагераў, у якіх знішчаны звыш 1,4 млн. чалавек.
Усіх загінуўшых ад катаванняў, насілля, работы да знямогі і нацысцкіх эксперыментаў ушанавалі сёння ў нашай кампаніі.
Ускладанне кветак у мемарыяльным комплексе «Трасцянец».
Працаўнікі прадстаўніцтва ЗАСТ «Прамтрансінвест» у г. Брэсце наведалі помнік вязням гета ў Брэсце і ўсклалі кветкі.
Дата публікацыі: 11.04.2023
