Сёння ў галаўной арганізацыі адбылася яркая падзея – маладзёжны форум «Моладзь і будучыня».
Мерапрыемства аб’яднала маладых супрацоўнікаў кампаніі. У якасці ганаровых гасцей былі запрошаны прадстаўнікі Завадской раённай арганізацыі ГА «БРСМ» і Адміністрацыі Заводскага раёна г. Мінска.
Са словамі прывітання да ўдзельнікаў форуму звярнуўся намеснік генеральнага дырэктара ЗАСТ «Прамтрансінвест» Валерый Галалобаў.
Галоўная частка форуму – адкрыты дыялог на тэму «Беларусь – гэта мы!». Прадстаўнікі Завадской раённай арганізацыі ГА «БРСМ» і Адміністрацыі Заводскага раёна г. Мінска адказвалі на пытанні ўдзельнікаў, дзяліліся з імі сваім вопытам.
У завяршэнні першай часткі мерапрыемства выбралі прадстаўнікоў для ўдзелу ў Маладзёжным форуме работнікаў арганізацый Кіраўніцтва справамі Прэзідэнта Рэспублікі Беларусь, які пройдзе 24 – 25 кастрычніка на базе ДПУ «Нацыянальны парк «Прыпяцкі».
У рамках другой часткі мерапрыемства адбыўся прагляд кінафільма «Час вярнуцца» кінастудыі «Беларусьфільм», 2024 года. Прататыпамі галоўных герояў карціны сталі рэальныя байцы і камандзіры партызанскіх атрадаў, якія змагаліся з фашыстамі на беларускай зямлі. Фільм нікога не пакінуў абыякавым.
Дата публікацыі: 16.10.2024
