У перыяд з 17 лістапада па 24 лістапада 2022 г. у нашай краіне будзе праводзіцца рэспубліканская інфармацыйна-адукацыйная акцыя па прафілактыцы тытунекурэння як фактара рызыкі развіцця анкалагічных захворванняў.
Небяспека курэння ў тым, што яно выклікае тры асноўныя захворванні: рак лёгкіх, хранічны бранхіт, каранарная хвароба. Ужо даўно даказана, што тытунь з’яўляецца прычынай смяротнасці ад раку лёгкага ў 90% усіх выпадкаў, ад бранхіту і эмфізэмы ў 75% і ад хваробы сэрца ў прыкладна 25% усіх выпадкаў.
З мэтай прыцягнення ўвагі грамадскасці да дадзенай праблемы ў нашай краіне на пастаяннай аснове праводзяцца інфармацыйна-адукацыйныя акцыі. У рамках акцый праводзяцца гутаркі ва ўстановах адукацыі, працоўных калектывах; ва ўстановах аховы здароўя праходзяць дні адкрытай інфармацыі, кансультавання насельніцтва па пытаннях прафілактыкі тытунекурэння, адмовы ад курэння праз тэлефоны даверу.
Наша кампанія далучаецца да акцыі і на перыяд з 17 па 24 лістапада 2022 г. абвешчана тэрыторыяй, свабоднай ад курэння!
Кіньце курыць! Уздыхніце свабодна!
Дата публікацыі: 15.11.2022
