Сёння, 16 ліпеня 2026 года, у галаўным офісе страхавой кампаніі ЗАСТ «Прамтрансінвест» адбыўся адзіны дзень інфармавання на тэму «Забеспячэнне бяспекі жыццядзейнасці: ад кібератак да правілаў на дарогах».
Работнікаў азнаёмілі са статыстыкай росту долі кіберзлачынстваў у краіне, якая склала 33,4% ад усіх зарэгістраваных злачынстваў за 5 месяцаў 2026 года. Асаблівую ўвагу надалі абароне ад ілжэпродажаў анлайн, вішынга і крадзяжоў праз сацсеткі. Супрацоўнікам нагадалі аб забароне ўводу асабістых дадзеных на сумніўных рэсурсах і недапушчальнасці ўваходу ў чужыя ўліковыя запісы.
Таксама была прыведзена статыстыка ДТЗ з удзелам непаўналетніх за студзень–май 2026 года. Дакладчыкі адзначылі рост колькасці параненых дзяцей-вадзіцеляў механічных МС і сродкаў персанальнай мабільнасці (СПМ). Пешаходам, веласіпедыстам і карыстальнікам СПМ нагадалі правілы бяспечнага пераходу праезнай часткі і патрабаванне аб абавязковым выкарыстанні флікераў.
Інжынер па ахове працы давёў да ведама супрацоўнікаў важныя змены ў правілах: цяпер абавязак работніка самастойна тушыць пажар першаснымі сродкамі цалкам выключаная. Згодна з новай рэдакцыяй пункта 6 алгарытму дзеянняў, пры ўзгаранні супрацоўнік абавязаны толькі прыняць магчымыя меры па абвестцы людзей і іх эвакуацыі. Акрамя таго, былі коратка разабраны правілы бяспечных паводзін на вадаёмах (на фоне статыстыкі МНС за 2026 год), базавыя правілы арыентавання ў лесе, алгарытм дзеянняў падчас навальніцы і пры нападзе сабак.
Мерапрыемства дапамагло работнікам кампаніі даведацца аб ключавых зменах у сферы аховы працы, павысіць узровень лічбавай пісьменнасці і замацаваць веды па агульнай бяспецы.
Дата публікацыі: 16.07.2026
