Сёння паспяхова завяршыўся другі этап праграмы павышэння кваліфікацыі для работнікаў ЗАСТ «Прамтрансінвест» па тэме «Кліентаарыентаваны падыход у продажах». Адукацыйную праграму правяло Дзяржаўная ўстанова адукацыі «Інстытут павышэння кваліфікацыі і перападрыхтоўкі кіраўнікоў і спецыялістаў «Кадры індустрыі».
Ва ўрачыстай абстаноўцы ўсім работнікам, якія прайшлі навучанне, былі ўручаны пасведчанні дзяржаўнага ўзору, якія пацвярджаюць паспяховае засваенне курса.
Праграма навучання была накіравана на паглыбленае вывучэнне сучасных методык працы з кліентамі. У ходзе заняткаў работнікі адпрацоўвалі практычныя навыкі вядзення перамоў і асвойвалі эфектыўныя тэхнікі продажаў.
Асаблівую падзяку калектыў ЗАСТ «Прамтрансінвест» выказвае выкладчыкам Інстытута «Кадры індустрыі» — Аляксандру Танковічу і Антаніне Пажыдаевай — за цікавую і структураваную падачу матэрыялу, а таксама за практыка-арыентаваны падыход да навучання.
Дата публікацыі: 09.10.2025
