Міжнароднае страхаванне
Пры планаванні дзелавой паездкі ў Расійскую Федэрацыю на аўтамабілі не забудзьцеся заключыць дагавор міжнароднага страхавання («Сіняя карта»).
Дагавор міжнароднага страхавання – гэта дагавор абавязковага страхавання грамадзянскай адказнасці ўладальнікаў транспартных сродкаў, які заключаецца ўладальнікамі транспартных сродкаў для паездкі ў Расію.
Такі дагавор патрэбен для абароны фінансавых інтарэсаў уладальніка транспартнага сродку на выпадак прычынення шкоды (жыцці і (або) здароўю, маёмасці) трэцім асобам на тэрыторыі Расійскай Федэрацыі.
У рамках сістэмы «Сіняя карта» дзейнічаюць правілы страхавання, аналагічныя правілам «Зялёнай карты», за некаторымі выключэннямі.
Асноўныя ўмовы міжнароднага страхавання:
- Дагавор заключаецца толькі ў дачыненні да транспартных сродкаў, зарэгістраваных у Рэспубліцы Беларусь.
- Тэрыторыя дзеяння: Расійская Федэрацыя.
- Тэрмін страхавання: ад 15 дзён да 1 года.
- Кошт страхавання залежыць ад тыпу транспартнага сродку (легкавы аўтамабіль, грузавы, аўтобус і інш.) і тэрміна страхавання.
- Аплата страхавога ўзносу ажыццяўляецца аднаразова.
Напрыклад, кошт страхавання складзе:
| Тэрмін страхавання | Лёгкавы аўтамабіль | Грузавы аўтамабіль | Прычэп да грузавога аўтамабілю |
| 15 дней | 0,86 баз. вел. | 1,73 баз. вел. | 0,26 баз. вел. |
| 1 месяц | 1,64 баз. вел. | 3,28 баз. вел. | 0,52 баз. вел. |
| 6 месяц | 6,82 баз. вел. | 13,46 баз. вел. | 2,16 баз. вел. |
| 1 год | 9,32 баз. вел. | 18,55 баз. вел. | 2,93 баз. вел. |
Важна! Памеры страхавых узносаў па абавязковым страхаванні грамадзянскай адказнасці ўладальнікаў транспартных сродкаў зацверджаны Указам Прэзідэнта Рэспублікі Беларусь ад 18.03.2024 № 108 і з’яўляюцца адзінымі для ўсіх страхавых кампаній Рэспублікі Беларусь.
Заключыць дамову міжнароднага страхавання можна ў любым офісе страхавой кампаніі (знайсці офіс тут).
Звяртаем увагу, што ліміт адказнасці ў Расійскай Федэрацыі істотна ніжэйшы, чым у Рэспубліцы Беларусь. Таму рэкамендуем дадаткова заключыць дагавор добраахвотнага страхавання грамадзянскай адказнасці аўтаўладальнікаў, які павялічыць страхавую абарону на выпадак прычынення шкоды ў выніку ДТЗ.
Іншую інфармацыю можна даведацца па кароткім нумары 128.
Ці можна аформіць «Зялёную карту»?
З 30 чэрвеня 2023 г. прыпынена на нявызначаны тэрмін заключэнне дагавораў страхавання «Зялёная карта». Падрабязней можна азнаёміцца тут.
